നമ്മളെങ്ങനെ നമ്മളായെന്ന് 8

നമ്മളെങ്ങനെ നമ്മളായെന്ന് 8

----------------------------------------

മനുഷ്യരുടെയും ചിമ്പാൻസികളുടെയും പൂർവികരിൽ Fox F2 ജീൻ മൂലം ഉത്പാദിപ്പിക്കപ്പെടുന്ന പ്രോട്ടീനിന്റെ ഘടന കഴിഞ്ഞ ഏതാണ്ട് ഒരു കോടി വർഷങ്ങളോളം കാര്യമായ മാറ്റങ്ങളുണ്ടാകാതെ തുടർന്നിരുന്നു. എങ്കിലും ചിമ്പാൻസിയുടെയും മനുഷ്യരുടെയും പൊതു പൂർവികനിൽനിന്നും പിരിഞ്ഞുമാറി മനുഷ്യകുലം ഉരുവം കൊണ്ടപ്പോൾ ഈ പ്രോട്ടീനിൽ ഘടനപരമായ മാറ്റങ്ങളുണ്ടായി. ഈ രണ്ടു മ്യൂട്ടേഷനുകളും ഉണ്ടായത് 50000 വർഷങ്ങൾ മുൻപായതിനാൽ വാസ്തവത്തിൽ നിയാണ്ടർത്താലുകളിലേക്കും പകർന്നു പോയിട്ടുണ്ടാവാം. എന്നാൽ സാപിയൻസിൽ FOXP2 ജനിതക കോശങ്ങളിൽ പ്രോട്ടീനുകൾ സൃഷ്ടിക്കുമ്പോൾ അതിനെ സ്വാധീനിക്കുന്ന മൂന്നാമതൊരു ജനിതക വ്യതിയാനംകൂടി സയന്റിസ്റ്റുകൾക്ക് കണ്ടെത്താനായി. ഈ വ്യതിയാനമാകട്ടെ നിയാണ്ടർത്താലിൽ കാണാനില്ല. 

മൈറ്റോ കോൺഡ്രിയൽ DNA ,Y ക്രോമസോം എന്നിവയുടെ ഘടന മനസ്സിലാക്കി അതിനെ നമ്മുടെ പൂർവികന്മാരുടെ ജനിതകത്തിൽ കോറിയിട്ടിരിക്കുന്ന ഭൂതകാലത്തിലേക്കു ചേർത്തുവച്ചു പരിശോധിക്കുമ്പോൾ നമ്മളെങ്ങനെ നമ്മളായെന്ന് നമ്മളറിയുന്നതിന്റെ തുടക്കമാകുന്നു.